Туристичка агенција со ,,А,, лиценца: 043 415 800  Оваа е-адреса е заштитена од спамботови. Треба да ви е овозможено JavaScript за да ја видите.

Имајќи ја предвид актуелната состојба на прогласена пандемија на светско ниво, а поради прогресивното ширење на коронавирусот (COVID - 19), туристичката агенција Сансет Травел, со големо жалење донесе одлука за ЦЕЛОСНО ОТКАЖУВАЊЕ ЗА РЕАЛИЗАЦИЈА на сите туристички аранжмани за престојните пролетни патувања, како и сите летни аранжмани за целата сезона – лето 2020 година, за сите дестинации надвор од РСМ, заклучно до 30 септември 2020 година. Владата на Р.С.Македонија на ден 24.03.2020 година донесе Уредба со законска сила за примена на законот за туристичката дејност за време на траење на вонредната состојба (Службен весник на РСМ, бр. 80 од 27.03.2020 година). Уредбата упатува на издавање на ваучери од страна на туристичките агенции за патниците, во случај на откажување на аранжманите од страна на туристичките агенции. За таа цел, врз основа на примена на одредбите од Уредбата и врз основа на мислењето дадено од страна на Министерството за економија – сектор за туризам и угостителство, во продолжение Ви ги презентираме условите и начинот за подигнување и користење на ваучерите. Вредносниот ваучер се издава на носителот на договорот. Истиот се прави во 3 (три) примероци, еден за потписникот на договорот, еден за агенцијата (носител на аранжманот) и еден за Министерство за економија. Вредноста на ваучерот ќе биде на уплатениот износ од страна на клиентот кај субагентот. Издадениот ваучер, патникот ќе има можност да го искористи за аранжмани достапни во понудата на туристичката агенција(носител на аранжманот).Ваучерите кои ќе бидат издадени и гласат на име на патникот кој извршил уплата/резервација, можат да бидат преносливи односно Ваучерот може да се искористи и од страна на друг патник (по договор меѓу патникот и туристичката агенција). НОТА: По завршување на вонредната состојба и нормализирање на условите за патување од земјата и условите за влез и престој во дестинациите на патување, ТА Сансет Травел под нови услови ќе ја објави новата понуда за аранжмани - Лето 2020 година. По објавувањето на новата понуда ќе може да се прават нови резервации за кои ќе се искористат вредносните ваучери.